Gen 3:1-15; Gen 17:1-14 Die HERE se genade-verbond met ons en ons kinders... en hoe dit nooit losstaan nie van ware geloof en die belydenis daarvan.

Transcription

1 Gen 3:1-15; Gen 17:1-14 Die HERE se genade-verbond met ons en ons kinders... en hoe dit nooit losstaan nie van ware geloof en die belydenis daarvan. Februarie 2016 Ps 75: 1, 2 - vooraf Ps 75: 4, 5, 6 - lofpsalm Ps 50: 8, 10, 11 na wet Ps 105: 5, 6 as antwoord op die Woord Ps 37: 14, 15, 16, 17 tydens Barmhartigheidsdiens Ps 100: 1, 2, 4 slotpsalm Lees: Gen 3:1-15 en Gen 17:1-14 Skrifverklaring. Inleiding. Geliefdes twee Sondae terug het ons 'n kind gedoop. Chris en Zelda se Hardus. Vandag het Jannes en Fredrick hulle geloof bely. En nou't hierdie twee sake net mooi alles met mekaar te doen. Doop en geloof in Jesus gaan saam. Ons mag'it nie los van mekaar maak nie. Bewys 1 Ons sien'it bv in Mark 16:16. Jesus sê daar: Hy wat glo en hom laat doop, sal gered word... En nou dink ek regtig dat dit nie hier gaan oor-ie volgorde nie. Eers glo dan doop nie. Nee ek dink die belangrike saak in Mark 16:16 is-at geloof en doop goed is wat saamgaan. Doop alleen kan nie red nie. Nee Hy wat glo en hom laat doop, sal gered word... Daarom dat twee weke terug se doop en vandag se belydenis van geloof goed is wat saamgaan. Doop sonder geloof red nie!! Nog iets: Lees ons deur-ie Bybel dan kan mens'it nie mis-ie. Een van die groot waarhede waaroor-it gaan in-ie HERE se Woord sy Evangelie is sy verbond met gelowiges en hulle kinders. Verduidelik Ons het net-nou daaroor gelees in Gen 17:7. Die HERE beloof dat Hy in-ie verbond Abraham se Verlosser-God sal wees 1 Vgl Floor, Die heilige Doop in die NT, bl 30-32

2 en ook sy nageslag sy kinders sin. En nou wys ons doop ook so leer ons uit die Woord dat die HERE 'n verbond met ons en ons kinders het. 2 En dat Hy in hierdie verbond ons en ons kinders se Verlosser-God is. Maar en dis nou belangrik. Soos ons deur'ie Bybel lees kom ons bv op 'n plek soos Gal 3:7 waar Paulus sê: Julle verstaan dan dat die wat uit die geloof is, hulle is kinders van Abraham. Verduidelik 3 En wat ons hier moet raak sien is-at die HERE se verbond en-ie doop wat daarop wys nie sommer net outomaties maak dat ons en ons kinders verlos word nie. Nee, die HERE verlos altyd alleen deur-ie geloof in Christus. Die belofte dat die HERE in-ie verbond ons Verlosser-God is maak-ie HERE altyd werklikheid alleen deur'ie geloof. Dis-ie HERE se manier. 4 Toepassing Daarom en dis so belangrik dat ons formulier vir die aflê van belydenis van geloof dan ook sê dat Ons, as kinders en erfgename deel het aan die volle rykdom van die weldade van hierdie verbond maar word ons ook tot gehoorsaamheid aan en aanvaarding van die verbond geroep. En nou dink ek dat dit tog goed sal wees as ons op hierdie belydenis van geloof dag bietjie afwyk van ons prediking uit die lewe van Elija in 1& Konings waar ons op'ie oomblik besig is en by hierdie belangrike waarheid oor-ie HERE se verbond met ons en ons kinders stil staan. Ons tema gaan wees: Die HERE se genade-verbond met ons en ons kinders en hoe dit nooit losstaan nie van ware geloof en die belydenis daarvan. En dan gaan ons stilstaan by wat die Woord van die HERE ons leer oor Die HERE se genade-verbond. Die belofte daarvan Met wie dit is En watter belangrike toepassing daar in hierdie leer is oor geloof en bekering. 2 Vgl Heidelbergse Kategismus Sondag 27 v/a 74 3 Vgl Robertson, The Christ of the covenants, bl DL 1:8 1

3 1. So kom ons begin by die HERE se genade verbond. En dan's daar iets belangriks wat ons aandag moet trek. En dis-at ons belydenis van geloof formulier praat van die verbond van genade. Ons Kategismus doen-it ook. By Sondag 27 waar'it gaan oor'ie doop lees ons van die verbond van God. Maar maak ons ons Bybels oop sien ons iets anders. Ons lees nie van die verbond nie. Nee ons lees eerder van verbonde. 'n Hele klomp van hulle. Bewys I Byvoorbeeld: In Gen 15:18 lees ons dat HERE 'n verbond met Abraham gesluit het. II Kom ons by Gen 17 dan-sit weer so. Die HERE sluit 'n verbond met Abraham. III Lees ons aan na Eks 24 dan hoor ons in Eks 24:5-8 hoe die HERE deur Moses die Sinai-verbond sluit. IV Kom ons by 2Sam 7:12-16 gaan-it oor die Dawid-verbond. 5 V En in Jer 31:31 sê die HERE deur Jeremia: Kyk, daar kom dae, spreek die HERE, dat Ek met die huis van Israel en die huis van Juda n nuwe verbond sal sluit. So die HERE het 'n hele klomp verbonde. Maar hoe-sit dan dat ons praat van die verbond van God of die verbond van genade van die HERE? Moet ons nie eerder praat die verbonde van die HERE nie? Want dis tog waarvan ons lees nie waar nie? Nou dis waar. Ons lees beslis van meer as een verbond van die HERE. Maar nou-saar iets iets wonderliks wat ons elke keer by hierdie verbonde kry en wat hierdie verbonde saambind tot 'n eenheid wat regtig van al hierdie verbonde die HERE se een genade-verbond maak. Oorgang So wat is daardie iets? Wel dis die een belofte van die HERE wat ons weer en weer in al hierdie verbonde kry. 6 5 Vgl Ps 89:30 6 Vgl Robertson, The Christ of the covenants, bl

4 2. So kom ons kyk daarna na die belofte van al hierdie verbonde. Nou van hierdie belofte van-ie verbonde het ons netnou gelees in Gen 17:7 waar-ie HERE met Abraham praat en sê: Ek sal my verbond oprig tussen My en jou en jou nageslag ná in hulle geslagte as n ewige verbond, om vir jou n God te wees en vir jou nageslag ná jou. jou A. En nou'sit in hierdie laaste woorde dat ons van die belofte hoor wat die HERE in al sy verbonde gee: Ek sal my verbond oprig om vir jou n God te wees en vir jou nageslag ná jou. Verduidelik 7 Nou dis absoluut wonderlik. Dis genade onbeskryflik groot. om vir jou n God te wees. Want wie is hierdie Abraham vir wie die HERE hierdie woorde sê? Wel Jos 24:2 sê Abraham was 'n afgodsdienaar. So Abraham was 'n ou wat nie die HERE lief gehad het nie. Hy was 'n ou wat sy rug op-ie HERE gedraai het. Hy't die HERE die enigste almagtige God die enigste Een wat lewe tot in ewigheid gee gelos vir ander gode. En dan? Wel Gen 12:1 vertel hoe die HERE na Abraham toe kom en vir Abraham met sy almagtige Woord vol genade na Hom toe roep Opmerking 8 Joh 6:44 en Rom 8:30 byvoorbeeld leer dat dit 'n almagtig-kragtige roeping is waarmee die HERE sondaars met onweerstaanbare genade na Hom toe trek. En dan in Gen 17 hoor ons hoe die HERE vir Abraham sê: Ek sal jou God wees Ek sal 'n spesiale verhouding 'n verbondsverhouding met jou maak. Ek bind My aan jou in 'n verbond. En in hierdie verbond gaan Ek jou God wees sonder dat jy dit op enige manier verdien. 7 Vgl Wenham se Gen komm bl 22; Harbach se Gen komm bl Vgl DL 3/4:6,

5 Nou dit is genade en dit is die genade-belofte wat ons keer op keer kry in al-ie verbonde wat die HERE maak. 9 Bewys I So sê die HERE dan in Lev 26:12 toe Hy die Sinai-verbond oprig vir Israel: Ek sal in jul midde wandel en vir julle n God wees, en júlle sal vir My n volk wees. Verduidelik 10 En net hier sien ons nog iets van hierdie een belofte van die HERE. Die HERE is in sy verbondsverhouding met Abraham en sy nageslag ook by hulle. En wat 'n wonder is-it nie! Want as Paulus in Efes 2:12 skryf oor hoe ons in ons sonde-verlorenheid is sê hy dat ons sonder hoop en sonder God in die wêreld is. En in Efes 4:18 sê hy dat ons van nature vervreemd (is) van die lewe (wat van) God (af kom). Maar wanneer die HERE sy verbonde oprig dan beloof die HERE: 'Ek sal vir jou 'n God wees by jou.' II Ons kry hierdie belofte ook by die Dawid-verbond. Hoor hoe sê die HERE dit in 2Sam 7:14 Ek sal vir hom n vader wees, en hy sal vir My n seun wees... III En as-ie HERE sy nuwe verbond sluit hoor ons-it weer. Want hoor wat sê die HERE in Jer 31: dit is die verbond wat Ek ná dié dae met die huis van Israel sal sluit... Ek gee my wet in hulle binneste en skrywe dit op hulle hart; en Ek sal vir hulle n God wees, en hulle sal vir My n volk wees... B. So sien julle wat bind al-ie verbonde van-ie HERE saam. Dis hierdie belofte van Ek sal vir jou 'n God wees by jou. Daarom kan ons ook sê dat al hierdie verskillende verbonde deel is van-ie HERE se een genade-verbond. 9 Vgl Robertson, The Christ of the covenants, bl 45-51; Berkhof, Systematic theology bl 277; Bavinck, Magnalia Dei, bl 257; a'brakel, Het redelijk Godsdienst vol 1 bl Vgl Robertson, The Christ of the covenants, bl

6 Verduidelik 11 En dan is al hierdie ander verbonde nie oorbodig-ie. Nee dis baie wonderlik. Want in elkeen van hulle wys-ie HERE meer van wat dit beteken as Hy jou God is by jou. Elke keer word die belofte ryker Elke keer openbaar die HERE meer oor ons lewe by Hom in-ie verbond. En ons gaan nie nou daarop kan ingaan nie. Die tyd gaan ons net helemal ontbreek. Maar goed. Belangrik vir nou is-at in al-ie verbonde dit weer en weer kry. Die HERE beloof: Hy sal jou God wees by jou. Christus-prediking 12 En dan's hierdie belofte van die HERE sal jou God wees by jou werklikheid omdat Christus daar is. Want dis Christus wat die eerste nagmaal beker opgetel het en in Mat 26:27-28 gesê het: Drink almal daaruit. Want dit is my bloed, die bloed van die nuwe verbond, wat vir baie uitgestort word tot vergifnis van sondes. sodat elkeen wat in Hom glo se sonde weg is en ons nie meer wegdryf van die HERE af tot in die Godverlatenheid van die hel nie. Maar die HERE ons God kan wees by ons. Ja by ons Want dis Christus wat in Mat 1:23 genoem word Emmánuel... dit is, as dit vertaal word: God met ons. C. So sien julle alhoewel ons hierdie verskillende verbonde kry word hulle almal saamgebind in een genade-verbond. En hoekom? Wel omdat die HERE in hulle almal sy belofte gee van 'Ek sal jou God wees by jou deur Christus'. Uiteindelik tot in ewigheid op die nuwe aarde. Daar sal die HERE in sy volste volheid by ons wees. Hoor hoe vertel Johannes daarvan in Openb 21:3-4. Hy sê: ek het n groot stem uit die hemel hoor sê: Kyk, die tabernakel van God is by die mense, en Hy sal by hulle woon, en hulle sal sy volk wees; en God self sal by hulle wees as hulle God. 11 Vgl Robertson, The Christ of the covenants, bl Vgl Robertson, The Christ of the covenants, bl 51 5

7 En God sal al die trane van hulle oë afvee, en daar sal geen dood meer wees nie... net lewe by die HERE in sy verbond. Openbaringshistories En so eindig die Evangelie van-ie genade-verbond in-ie boek Openbaring. Dit eindig met die belofte van die HERE is ons God by ons. En weet julle net soos-it eindig so het die Evangelie van die genade-verbond begin. 13 Daar reg aan-ie begin na die sondeval in Gen 3:15 toe HERE vir Satan gesê het: Ek sal vyandskap stel tussen jou en die vrou, en tussen jou saad (kinders) en haar saad (kinders 14 ). Hoor julle daai belofte wat ons weer en weer hoor ook hier in Gen 3:15? Die HERE stel vyandskap in-ie vrou in Eva en haar saad haar nageslag haar kinders teen Satan. Verduidelik 15 Met die sondeval het ons saam met Satan kant gekies teen-ie HERE. Ons het in 'n siek slawe-verbond met Satan getree. Maar dan in soewereine genade alleen stel-ie HERE vyandskap. Hy breek-ie verbond met Satan. Hy ruk-ie vrou en haar saad daaruit terug na Hom toe waar-ie HERE weer die vrou en haar saad se God is by hulle. Opmerking 16 So al word da-nie in Gen 3:15 direk in soveel woorde oor-ie HERE se genade-verbond gepraat-ie is-it tog daar. Want die HERE beloof. Hy sal vyandskap stel en so-ie vrou en haar saad, haar nageslag, haar kinders weer na Hom toe bring. Hy sal weer hulle God wees. Oorgang En dis-ie een belofte wat ons weer en weer in al-ie verbonde van die HERE kry en wat hulle almal in een genade-verbond saam bind. 3. Maar nou kom ons by 'n baie belangrike vraag: Met wie presies het die HERE hierdie verbond en vir wie-sie belofte. 13 Vgl Robertson, The Christ of the covenants, bl 25; Vos, Biblical Theology, bl 42; Berkhof, Systematic theology bl 276, 279, Vgl Robertson, The Christ of the covenants, bl 96-98; Vos, Biblical theology bl 42; Berkhof, Systematic theology bl Vgl Berkhof, Systematic theology bl 276, 279, Vgl Berkhof, Systematic theology bl 276, 279,

8 A. Wel Gen 3:15 waarby ons nou net was sê dat die genade-verbond en die belofte vir-ie vrou Eva en haar saad is. Verduidelik 17 En-ie saad? Wel heel eerste en ons het dit eintlik al gesê is-it die nageslag van die vrou die kinders wat uit haar gebore word. So Gen 3:15 leer-at die HERE se verbond en sy belofte van Ek sal vir jou 'n God wees by jou deur Christus geld vir Eva en vir-ie nageslag wat uit haar gebore word. 18 B. Hierdie selfde waarheid sien ons ook wanneer die HERE sy verbond met Abraham sluit in Gen 17. Hoor wat sê die HERE vir Abraham in vers 7: Ek sal my verbond oprig tussen My en jou en jou nageslag ná jou... om vir jou n God te wees en vir jou nageslag (meer letterlik: Saad) ná jou. Verduidelik 19 So hie-sit weer net soos by Gen 3:15. Die HERE se verbond en sy belofte is ook vir Abraham se saad of sy kinders wat uit hom gebore word. C. En so is'it ook met die HERE se Sinai-verbond. Kinders is weereens deel daarvan. 20 Bewys Hoor wat sê Eks 19:3-6 hieroor: Maar Moses het opgeklim na God toe (op Sinai), en die HERE het hom van die berg af toegeroep en gesê: So moet jy aan die huis van Jakob sê en aan die kinders van Israel verkondig: As julle... my verbond hou, sal julle my eiendom... wees... En júlle sal vir My n koninkryk van priesters... wees. Dit is die woorde wat jy aan die kinders van Israel moet meedeel. Verduidelik 21 Nou as die HERE praat van die kinders van Israel en die huis van Jakob dan-sit 'n manier waarop die HERE praat van sy volk van Israel. 17 Vgl Robertson, The Christ of the covenants, bl 96-98; Vos, Biblical theology bl 42; Berkhof, Systematic theology bl 276, Nou. dis natuurlik nie al wat die HERE in Gen 3:15 beloof nie. In Gen 3:15 kry ons ook die eerste belofte oor die Christus (Vgl Robertson, The Christ of the covenants, bl ). 19 Vgl Waltke se Gen komm bl 260; Heyns, Dogmatiek, bl Vgl Waltke, An OT theology bl Vgl NIDOTTE vol 1 bl 656, 673; TWOT vol 2 bl 676; Berkhof, Systematic theology bl 295; vgl ook Eks 12:3-4, 26-27; 13:14; Deut 4:9; 6:2, 7; 11:19 waar kinders se deel-wees van die verbond by Sinai duidelik blyk. 7

9 En uit wie bestaan Israel? Wel uit gesinne. Daar's Pa's Ma's kinders. En-ie HERE se verbond is ook met hulle met die kinders. D. En so is'it ook wanneer-ie HERE sy nuwe verbond sluit. Dis ook met kinders. 22 Bewys Daarom dat die HERE in Jer 31:31 sê: Kyk, daar kom dae... dat Ek met die huis van Israel en die huis van Juda n nuwe verbond sal sluit. Verduidelik En huis van Israel en huis van Juda is mos 'n manier om te praat oor die HERE se volk wat ook bestaan uit kinders. In Jer 32:38-40 sê die HERE dit direk: En hulle sal vir My n volk wees, en Ek sal vir hulle n God wees. En Ek sal hulle een hart en een weg gee om My altyd te vrees, hulle ten goede en hulle kinders ná hulle. Ons sien-it ook in-ie NT. Want as Petrus in Hand 2:39 met Israeliete praat en die Evangelie met hulle deel dan sê hy: die belofte kom julle toe en julle kinders... die wat die Here onse God na Hom sal roep. Sien julle weer-en-weer. Die HERE se genade-verbond en sy belofte van Ek is jou God by jou deur Christus is vir gelowiges en hulle kinders. Wat 'n wonder van genade! Oorgang 23 Maar en hierdie is 'n belangrike maar nou beteken'it nie dat ek nou outomaties deel het aan-ie belofte van-ie genade-verbond net omdat Eva my oer-ouma-grootjie is-ie of omdat ek op een of ander manier vader-abraham in my voorgeslagte het nie of omdat my pa in-ie Kerk is-ie of omdat ek as kind gedoop is-ie. Regtig Hierdie idee moet ons uit ons koppe kry. Dit werk nie so outomaties nie. 22 Vgl Robertson, The Christ of the covenants, bl Vgl ook Jes 59:21; Eseg 36: Vgl Robertson, The Christ of the covenants, bl 40. 8

10 Hoekom nie? Wel omdat die HERE se Woord by die wonderlike waarheid dat die verbond en-ie belofte dat die HERE jou God is by jou deur Christus ook vir ons kinders is nog iets by sê. 4. So kom ons kyk na hierdie nog iets wat meer sê oor vir wie die verbond en die belofte daarvan is. A. En dan moet ons weer terug gaan na Gen 3:15 waar-ie HERE sê: Ek sal vyandskap stel tussen jou (Satan) en die vrou, en tussen jou saad en haar saad. En soos ons nou-nou gesien het gaan-it hier daaroor dat-ie HERE se belofte van Hy's jou God by jou deur Christus ook vir Eva se nageslag geld. En dan maak-ie HERE hierdie belofte werklikheid vir Eva en haar saad/nageslag deur genadig-soewerein sonder dat Eva of haar saad enige iets daarmee te doen het vyandskap teen Satan in hulle te stel. Dis wat Gen 3:15 sê. Maar en dis nou-ie ding wat ons moet by leer. Hierdie belofte is-ie outomaties ko-vi-kop vir elke kind in Eva se nageslag-ie. 24 Verduidelik Want kyk wat gebeur as ons net omblaai na Gen 4 toe. Daar lees ons in vers 1-2 van Adam en Eva se eerste twee kinders. Kain en Abel. En toe? Wel Gen 4:8 vertel-at Kain vir Abel vermoor hert. Hoekom? Wel 1Joh 3:12 sê dis omdat Kain... uit die Bose was uit die duiwel. So al was Kain uit Eva uit die vrou gebore was hy nie outomaties vrou-saad nie. Nee! Hy was Satan-saad. So sien julle? Kain het-ie outomaties gedeel in-ie belofte van Gen 3:15 nie. Hy was-ie outomaties vrou-saad nie. 24 Vgl Robertson, The Christ of the covenants, bl

11 Die HERE was-ie outomaties sy God by Hom deur Christus net omdat Hy uit Eva gebore was-ie. Toepassing 25 So wat'sie toepassing vir ons? Wel dit: In-ie Kerk in-ie verbond deel ek en my kinders nie outomaties in-ie belofte van die HERE is ons God deur Christus nie. Nee! Dit gebeur alleen wanneer die HERE in absolute vrye soewereine uitverkiesende genade in jou Gen 3:15 se vyandskap stel sodat jy kan breek met Satan en jou sonde-lewe en na die HERE toe kan bekeer. Opmerking 26 Jesus noem-it in Joh 3 27 die wedergeboorte. Paulus praat in Efes 2 28 van die lewend-making uit ons geestelike dood waarin ons totaal-verdorwe was. Alleen dan is jy waarlik vrou-saad. Alleen dan deel jy uit genade alleen in-ie belofte van-ie genade-verbond. B. Ons sien hierdie waarheid ook in Gen 17:7. Dis waar-ie HERE vir Abraham sê: Ek sal my verbond oprig tussen My en jou en jou nageslag ná jou... om vir jou n God te wees en vir jou nageslag ná jou. Maar as ons dan verder deur die Woord lees kom ons agter dat hierdie nageslag van Abraham vir wie die belofte is nie kop-vir-kop elkeen van Abraham se kinders is nie. Dis nie vir elke bloed Israeliet wat uit Abraham afstam-ie. Bewys I 29 Want in Joh 8:44 sê Jesus vir-ie Jode die Israeliet wat uit Abraham afstam wat volgens hulle bloed-afstamming Abraham as hulle voorvader het maar intussen vir Jesus wil dood maak. Ja Jesus sê vir hulle: Julle het die duiwel as vader, en die begeertes van julle vader wil julle doen. 25 Vgl Robertson, The Christ of the covenants, bl 98-99; Waltke se Gen komm bl Vgl Berkhof, Systematig theologym bl Joh 3: Efes 2: Vgl Robertson, The Christ of the covenants, bl 98; Reformation study Bible bl

12 Opmerking So al is hulle in-ie verbond en bloed nageslag van Abraham is hulle in werklikheid Satan-saad. II 30 En in Rom 9:6-8 sê Paulus: hulle is nie almal Israel wat uit Israel is nie. Ook nie omdat hulle Abraham se nageslag is... is (hulle) kinders van God... nie... III 31 En in Gal 3:7 sê Paulus: Julle verstaan dan dat die wat uit die geloof is, hulle is kinders van Abraham. IV 32 En as Paulus in Rom 11 praat oor Israel wat almal sigbaar in-ie verbondsvolk van die HERE is en hulle dan vergelyk met 'n olyf-boom dan sê hy in Rom 11:20 Deur ongeloof is (van-ie takke van-ie fisiese kinders van Abraham) afgebreek... omdat hulle in ongeloof hulle rug op-ie HERE gedraai het. Dis hulle van wie die HERE praat as Hy in Gen 17:14 sê: hy het my verbond verbreek. Om so met sy lewe van ongeloof te wys dat hy eintlik kind van-ie duiwel is in wie die HERE nie in sy vrye soewereine uitverkiesende genade vyandskap teen Satan gestel het nie en nie die wedergeboorte en geloof en bekering gewerk het nie. 5. So wat sê-it vir ons? Wat is die toepassing vir ons elkeen? En hiermee gaan ons afsluit. Wel dit geliefdes: Ons moet weet. Die HERE het in sy wonderlike genade na die sondeval gekom met sy genade-verbond en-ie belofte dat Hy weer ons God sal wees by ons deur Christus. En dan's hierdie verbond en hierdie belofte vir Eva en haar kinders. vir Abraham en sy kinders vir ons en ons kinders. 30 Vgl Robertson, The Christ of the covenants, bl 40; Reformation study Bible bl Vgl Berkhof, Systematic theology bl ; Reformation study Bible bl Vgl Robertson, The Christ of the covenants, bl 40 11

13 Maar daarby moet ons ook weet. Ek en my kinders deel nie outomaties in-ie verbond en die belofte van-ie verbond nie. Nee Gen 3:15 en die geskiedenisles van Gen 4 leer dat die verbond en die belofte alleen is vir die in wie die HERE in sy vrye soewereine uitverkiesende genade vyandskap teen Satan en-ie sonde stel sodat ons na die HERE kan bekeer. En Gen 17:7 saam met bv Joh 8:44 en Rom 9 en Gal 3:7 en Rom 11 sê dat-ie HERE se genade-verbond en-ie belofte daarvan alleen vir gelowiges en hulle gelowige kinders is. Die ongelowige sal soos droë takke uit die verbonds-boom uitgekap word. Slot En daarom is'it so belangrik dat ons belydenis van geloof formulier sê: God het in Jesus Christus... die verbond van genade opgerig met ons en ons kinders. As kinders en erfgename het ons deel aan die volle rykdom van die weldade van hierdie verbond maar word ons ook tot gehoorsaamheid aan en aanvaarding van die verbond geroep. Verduidelik 33 I Want dis deur-ie roeping met die Woord dat die HERE aan die werk gaan om in sy vrye soewereine uitverkiesende genade die vyansdskap teen Satan te stel. Of anders gesê: die wedergeboorte in ons te werk. Bewys Petrus praat daaroor as hy in 1Pet 1:23 sê: julle is wedergebore... deur die lewende woord van God... waarmee die roeping na ons toe kom. II En dis deur hierdie einste roeping dat die HERE ook geloof opwek. deur die Woord Bewys Want in Rom 10:17 sê Paulus: Die geloof is dus uit die gehoor, en die gehoor is deur die woord van God. 33 Vgl DL 3/4:6, 8-12; Heidelbergse Kategismus Sondag 7 v/a 21; Sondag 25 v/a 65 12

14 Toepassing I So hier's 'n vraag vir ons almal: Het die HERE al vyandskap in my en jou gestel? Het die HERE al wedergeboorte in my en jou bewerk? Kom ons vra-it ook van die ander kant af: Het ek en jy al die roepstem van-ie HERE gehoor en bekeer na Jesus toe Hy wat Emanuel is God met ons. Hy wat sy bloed laat loop het sodat elkeen wat na Hom toe bekeer vergifnis kan ontvang en by die HERE in die verbond kan wees. Hê geliefdes het dit al gebeur. En bekeer ons deur ons lewe? Of is ek en jy dalk net een van daai ouens wat gedoop is in die kerk sit in die verbond is maar nie waaragtig deel in die verbond en die belofte daarvan nie. Dis so belangrik. Ons moet seker wees. II Hier's nog 'n vraag. Vir ons as pa's en ma's. Praat ons met ons kinders oor hierdie goed? Of maak ons stilbly oor bekering en geloof in Jesus dat ons kinders dink dat as jy gedoop is jy nou outomaties deel in die belofte van-ie gedane-verbond? Oppas hiervoor! Want Eseg 3:18 en 33:5-6 byvoorbeeld sê dat ons verantwoording sal moet doen voor die HERE oor jou kinders in die hel. III Hier's 'n derde toepassing vir ons kinders en jongmense. Weet julle dis so belangrik. Ons moet Jesus aanneem. Hy moet Here van ons lewe wees en ons enigste Verlosser wees. Ons moet 'n nuwe lewe van elke-dag bekeer en Jesus-navolg leef. So is'it al 'n werklikheid in julle lewens. Glo julle so elke dag. Dis belangrik. Verduidelik Want so deur die geloof kan jy weet: Die HERE het in sy soewereine uitverkiesende genade vyandskap teen Satan in my gestel in sy soewereine uitverkiesende genade het die HERE wedergeboorte in my bewerk daarom dat ek nou elke dag 'n lewe kan begin leef 13

15 van bekeer en glo in Jesus. En so kan ek weet ek deel in die belofte van die HERE se genade-verbond. Amen. Dan kan ek'it ook hier as gedoopte in die midde van die gemeente my geloof kom bely. 14