Utangulizi. Makanisa Mapya ya Pentekoste Mijini Mikuu - Mifano

Transcription

1 Ukuzaji wa Viongozi Vijana katika Makanisa Mapya ya Kipentekoste Mijini Mikuu : Mifano Mitatu kutoka Nairobi, Kenya. Muhtasari wa Utafiti wa Shahada ya Uzamifu Kyama Mugambi Utangulizi Tukiangalia maendeleo ya hivi karibuni ya makanisa hapa Afrika, swali huibuka jinsi makanisa mapya ya Kipentekoste nchini Kenya yatastawi katika siku zijazo, na kuendelea kuimarika na kushamiri baada ya waanzilishi. Baadhi ya majibu ya swali hili yamo katika uongozi. Hadithi ifuatayo inaeleza hali ya sasa katika makanisa mengi Kipentekoste ( Newer Pentecostal Charismatic churches, NPCC) barani Afrika. Gabriel Oladele Olutola aliteuliwa kuwa kiongozi wa Apostolic Church Lagos, Magharibi na maeneo ya Kaskazini (TAC) mwaka Kiongozi kabla yake alikuwa kiongozi mwanzilishi Eyo Edet Okon aliyeaga dunia akiwa na umri wa 96. Olutola, kiongozi wa kizazi kipya, aliuchukua uongozi akiwa na umri wa miaka 76. Je, hakupatikana kiongozi kijana zaidi kuweza kuendeleza dhehebu hili kwenye karne hii? Msomi mmoja, alisema hivi, 2 Waafrika ni wachanga. Mbona viongozi wao ni wazee hivi? 3 Hii ndio habari iliyokithiri kwa njia tofauti katika makanisa mengi ya kila aina ya kipentecoste barani Afrika (NPCC). Makanisa mengi yaongozwa na viongozi waasisi ambao ni wa umri wa juu zaidi. Hili swala la uzalishaji wa viongozi vijana ndiyo pingamizi kuu katika ustawi wa baadaye wa makanisa ya kipentecoste Afrika. Inaonekana pingamizi hili laweza kuathiri mustakabali wao. Utafiti uliofanywa na taasisi iitwayo mtandao wa uongozi (leadership network) iligundua kuwa zaidi ya 90% ya wachungaji wa makanisa makubwa zaidi Afrika, hasa ya kipentekoste, walikuwa wachungaji waanzilishi. Kwa pamoja, umri wao wa wastani ulikuwa miaka 57, mara tatu umri wa wastani wa idadi ya waafrika kwa jumla. 4 Utafiti wa uongozi utokao kwa wasomi kama vile Ram Charan, Jim Collins, Bernard M. Bass na Warren Bird, unaonyesha kwamba mashirika yanayostawi na kushamiri, ambayo yanadumu waasisi wao wakishastaafu, hukuza mazingira ambayo husisimua uzalishaji wa viongozi vijana. 5 Utafiti huu wetu ulichagua makanisa ya kipentekoste yaliyostawi, yaliyoshamiri hata baada ya viongozi waanzilishi kuondoka mamlakani. Lengo letu lilikuwa ni kujua jinsi mazingira ya makanisa haya yalisaidia uzalishaji wa viongozi vijana. Makanisa Mapya ya Pentekoste Mijini Mikuu - Mifano Katika utafiti huu tulipata mifano mitatu ya makanisa ya kipentekoste (NPCC). Mifano au kesiutafiti hize tatu ni sehemu ndogo ya NPCC ziliyomo mijini mikuu, zinazojulikana kama Progressive Pentecostal Churches (PPC). Kwa mujibu wa Tetsunao Yamamori na Donald Miller, PPC ni wakristo wanaodai kuongozwa kwa Roho Mtakatifu na maisha ya Yesu. 1 SAU The Chancellor, accessed July 21, 2016, 2 David E. Kiwuwa, Africa Is Young. Why Are Its Leaders so Old?, CNN, accessed July 21, 2016, 3 Ibid. 4 Global Megachurches by Leadership Network s Warren Bird PUBLIC, Google Docs, accessed March 20, 2016, hl=en_us&usp=embed_facebook. 5 Jim Collins and Jerry I. Porras, Built to Last: Successful Habits of Visionary Companies, 3 edition (New York, NY: HarperBusiness, 1994); Ram Charan, Stephen Drotter, and James Noel, The Leadership Pipeline: How to Build the Leadership Powered Company, 2 edition (Jossey-Bass, 2010); William J. Rothwell, Effective Succession Planning: Ensuring Leadership Continuity and Building Talent from Within, 5 edition (AMACOM, 2015); William Vanderbloemen, Warren Bird, and John Ortberg, Next: Pastoral Succession That Works (Grand Rapids, Michigan: Baker Books, 2014).

2 Wanaamini ukristo wao, si wa kujitenga, bali unajumuisha na kukabiliana na mambo ya kiroho, kimwili, kijamii na mahitaji ya watu katika jamii zao. 6 Mifano hii ya PPCs ilichaguliwa kati ya makanisa 12 Nairobi. PPC za utafiti huu zilitakiwa kuwa na umri zaidi ya miaka 30, kuwa na dalili za msisimko na ushamiri baada ya waasisi. Mifano yetu ni - International Christian Centre, ICC, kanisa la Kenya Assemblies of God KAG, ambayo ilianza mwaka 1984 na wamisionari Del Kingsriter na Bob Schmidgall Christ is the Answer Ministries, CITAM, kanisa lililoanzishwa na Pentecostal Assemblies of Canada, PAOC. CITAM ilizinduliwa mwaka 1952 na mmisionari John McBride. Nairobi Chapel, kanisa lisilo la madhehebu lililokuwa na uhusiano mdogo na Brethren, iliyoanza mwaka wa 1952 na wakazi wa Nairobi wenye asili ya Uingereza. Makanisa haya yamenawiri, yamezalisha viongozi wengi vijana, na yameanzisha makanisa mengine mengi. Makanisa haya yanaongozwa na viongozi wa kiasili wa kizazi kipya baada ya waasisi wao. Makanisa haya yanaonekana kwenda kinyume na hali ya jumla inayoonekana katika NPCC nyingi, kama ilivyoelezwa katika hadithi fupi ya TAC hapo juu. Maswali na Mbinu za Utafiti Swali kuu la utafiti wetu lilikuwa - Ni jinsi gani PPC zilizoshamiri na kustawi hivi karibuni, huendeleza viongozi wao? Ni mambo gani muhimu katika mazingira yao yanazalisha viongozi vijana? Kuna maswali kadhaa yanayohusika na swali hili kuu - Ni mbinu gani ya uchunguzi itawezesha utafiti huu? Je ni fasihi zipi zilizopo kwenye uandishi wa kikristo na kwenye elimu ya uongozi zinazohusika na swali letu kuu? Je ni matokeo gani yanatokana na - historia, tamaduni za mashirika, mazoea rasmi ya mashirika, shughuli rasmi, mafundisho na uzoefu wa viongozi waandamizi - yanayotumikia kudhihirisha ukuzaji wa viongozi vijana katika mifano hii ya PPCs? Ni nini kati ya matokeo ya utafiti huu kitayasaidia makanisa na mashirika mbali mbali barani Afrika na kuingineko? Tulitambua mbinu ya kesi-utafiti (maarufu mbinu ya kutumia mifano, Case Studies) kama mbinu ya uchonguzi inayofaa zaidi kwa ajili ya utafiti. Mbinu hii inawezesha mtafiti kuchunguza kila mmoja ya mifano au kesi-utafiti ili kuelewa inavyochangia kwenye swali kuu la utafiti. Uchunguzi huu ulishirikisha mahojiano 28 ya kina, na viongozi waandamizi dodoso linalo elezea shirika utafiti wa nyaraka kutoka miaka 90 iliyopita, pamoja na hadithi na nyaraka kutoka Chuo Kikuu cha California Kusini, na Pentecostal Assemblies of Canada. Uchunguzi wa maandishi ya kanisa kama vile katiba, katekisimu, na mahubiri uchunguzi usio na taratibu maalum Matokeo ya Utafiti Matokeo muhimu kuhusiana na maswali ya utafiti yameorodheshwa hapa. Kuhusu ukaguzi wa fasihi husika: Utafiti huu ulituelekeza kwenye natharia ya misisimko ya makanisa ya kiinjili (yaani Evangelical Revitalization Movement theory ERM). Nadharia hii ilitoa mfumo muhimu wa kuelekeza tafakari juu ya swali kuu la utafiti huu. Maandiko 6 Donald E. Miller and Tetsunao Yamamori, Global Pentecostalism: The New Face of Christian Social Engagement, First Edition, Includes DVD edition (Berkeley: University of California Press, 2007), 2,212.

3 yalionyesha umuhimu wa kudhamiria ukuzi wa viongozi vijana ili kudumisha makanisa. 7 Natharia ya uongozi ubadilishi (yaani Transformational leadership) ni dhana muhimu ya kutunga mijadala ya ukuzi wa viongozi vijana. 8 Kutokana na nadharia hii, tulipata dodoso ya kueleza uongozi katika mashirika (Organizational Description Questionnaire ODQ) kama chombo muhimu cha kuongezea maarifa pamoja na taarifa zingine zilizokusanywa kutoka kesi-utafiti, yaani mifano yetu. 9 Kuhusi misisimko ya makanisa ya kiinjili: PPCs zaweza kufahamika kihistoria kulingana na nadharia ERM. Makanisa haya yameshamiri kupitia juhudi za viongozi vijana. Viongozi hawa walikusaya waumini wao kusikiliza habari njema, injili, iliowasilishwa upya, pamoja na mbinu mpya za kipekee. Ujumbe huu uliwafaa wasikilizaji kihistoria, kitamaduni na kijamii. 10 Nadharia ya ERM inaorodhesha hatua au awamu tatu za kihistoria kwenye ustawishaji wa PPC. Hatua hizo ni awamu ya tatizo kwenye mazingira, awamu ya kubuni mbinu mpya kutatua tatizo, awamu ya kusambaza uongozi kwa kizazi kipya. Kuhusi tamaduni za uongozi: Ili kuchunguza historia ya uongozi kwenye mashirika, tuliangazia dhana za uongozi ubadilishi kama zilivyobuniwa na Bernard M. Bass. 11 Dhana hizi zilichangia njia za kuelezea mazingira ya uongozi katika PPCs. Kupitia dodoso ya kueleza uongozi katika mashirika ODQ, tulibaini kuwa licha ya historia zao mbalimbali, kulikuwa na usawa katika mbinu za uongozi kwenye kesi-utafiti hizi za PPCs. Kila PPC ilikuwa na tamaduni za uongozi ambapo viongozi walikuwa na - ushawishi ulioheshimiwa washirika na viongozi vijana waliwafuata viongozi waasisi kwa sababu ya haiba na ushawishi wao motisha inayo hamasisha - viongozi wakuu waliwasilisha maono yaliyohamasisha wafuasi msisimko wa kimawazo viongozi waasisi waliwapa viongozi vijana changamoto kimawazo na kielimu ili kuwahamasisha kufanya zaidi ya kile wao walidhani wanaweza uhusiano wa karibu - viongozi waasisi waliwekeza muda ili kujenga uhusiano na viongozi vijana kwa lengo la kuendeleza uongozi wao. Vidokezo muhimu vilivyo ibuka kwenye Utafiti huu ya Maendeleo ya Uongozi Tulichunguza zaidi utafiti huu ili kuelewa mambo ya kipekee ya mazingira ya mifano hii ya PPC. Tuligundua kwamba PPC hizi, kila mmoja kwa njia yake ya kipekee, na kwenye historia yake, ilionyesha mchanganyiko wa sababu tatu uongozi uliokuwa na uhusiano, miundo ya utawala iliyosaidia kukuza viongozi, na maono yaliyohamasisha kanisa. Kupitia viongozi wao kwa njia mbali mbali, na kwa viwango tofauti kila mmoja ya makanisa haya yalifanya ifuatavyo - 1. Makanisa yaliimarisha uhusiano na mwingiliano kati ya viongozi. Uhusiano huu uliimarishwa kati ya viongozi waandamizi na viongozi vijana kwa njia ya urafiki, mafundisho na ushauri. Tuliona dalili za falsafa ya uongozi ambayo inashirikisha uhusiano wa karibu kama sehemu muhimu ya kukuza viongozi vijana. 2. Makanisa haya yalikua na miundo ya utawala ilioboresha ukuzaji wa viongozi vijana. Makanisa yalikua na miundo ilioshauri, na hata kukuza viongozi vijana. Miundo hii ilipatikana katika Katiba pamoja na kupachikwa kwenye tamaduni makanisa yalipokua yakistawi. Baadhi ya miundo hii ilitokana na uhusiano wa kihistoria na mamisionari. Miundo mingine iliibuka ndani ya makanisa haya baada ya waasisi kuondoka au kustaafu. Miundo na tamaduni ziliwashirikisha waumini pamoja na watumishi wa kanisa. 7 Collins and Porras, Built to Last; Charan, Drotter, and Noel, The Leadership Pipeline. 8 Ronald E. Riggio and Bernard M. Bass, Transformational Leadership, Kindle Edition (Psychology Press, 2006). 9 Organizational Description Questionnaire (ODQ) - Mind Garden, accessed September 1, 2015, 10 Mark Shaw, From Monument to Movement (Nairobi: Unpublished, 2016). 11 Bernard M. Bass, A New Paradigm for Leadership: An Inquiry into Transformational Leadership. (DTIC Document, 1996).

4 3. Maono yenye ushawishi mkuu yalielezwa kwa ufasaha kwa washirika. Maono haya yaliwasilishwa kwa mahubiri, maandishi ya katikisimo na mafunzo. Maono yaliwaunganisha washirika kwa lengo moja. Pia, ushawishi wa maono haya uliwavitia viongozi wapya. Umuhimu wa Matokeo 1. Utafiti uligundua kuwa PPCs zilisisitiza, kwa viwango tofauti, uhusiano kati ya vizazi vya viongozi, maono ya makanisa, na miundo ya utawala. Uhusiano, maono na miundo, yote ni mambo yaliyochangia kwa pamoja kustawisha makanisa haya na ambayo yaliwavutia viongozi washirika na watumishi wa kanisa. 2. Tulipochunguza fasihi iliibuka kuwa, dhamira ya viongozi waandamizi ni sababu muhimu katika ukuzaji wa viongozi vijana kwenye PPC. 3. Kukutana kibinafsi, na ustawishaji wa uhusiano kati ya viongozi wa zamani na vijana kuliwamakinisha viongozi vijana mapema katika maisha yao ya uongozi. Hii ilibainika kama muhimu ili kukuza vizazi vya viongozi baada waanzilishi. 4. Uongozi ubadilishi ni nadhari iliyoashiria dhana muhimu za uongozi ulio mahiri na ulio na utendaji wa hali ya juu. Nadharia hii iliashiria kwamba kiwango mwafaka cha miundo ya utawala kinahitaji kuhifadhiwa ili kanisa liweze kunawiri. Utafiti huu inaonyesha kuwa PPC hizi ziliweza kuweka miundo utawala kama ilivyoashiriwa na nadhari ya uongozi ubadilishi. Makanisa haya yalifanikiwa katika kazi zao, bila kupoteza dhamira na teolojia zao za Kipentekoste. Hii anakubaliana na utafiti wa Margaret Poloma wa madhehebu ya kipentekoste nchini US Utafiti wa Wanjiru Gitau ulivumbua kwamba nadhari ya ERM ni muhimu kuelekeza utafiti na mijadala juu ya makanisa makubwa zaidi (yaani megachurches). 13 Utafiti huu unathibitisha matokeo ya Gitau. Nadharia ya ERM hutoa dhana za kuweza kujadili historia na asili za PPC. Pia nadhari hii inaelekeza mitazamo ya kitheolojia kuhusu utamadunisho na uzawa katika PPC. 6. Utafiti huu yalionyesha haja ya utafiti wa kuelewa uongozi katika PPC hasa, na NPCC kwa ujumla. Zaidi ya hayo, utafiti wa uongozi katika makanisa yaliyofanikiwa unaweza kuangazia mbinu bora za uongozi. Mbinu za utafiti zinazodhamiria kuelewa historia, visa na maana (yani qualitative methodologies) zilifaa utafiti huu. Mbinu ya kesi-tafiti ni mojawapo ya mibinu hizi. 7. Dhana ya Andrew Walls ya kanuni ya utafsiri (yaani translation principle), pamoja na mvutano kati ya kanuni ya nyumbani (homing principle) na kanuni ya hija (pilgrim principle) zimesaidia kueleza ukuaji wa Ukristo duniani kote. 14 Kanuni ya hija inaeleza mitazamo ya hatima ya hapo mbeleni ya jamii ya kikristo. Kanuni ya nyumbani inaeleza umuhimu wa kufanikisha imani maishani mwa wakristo sasa. Katika utafiti tunaona mvutano kati ya kanuni hizi ni dhahiri katika maendeleo ya kihistoria ya PPCs. Manufaa ya Utafiti Huu kwa Kanisa katika Afrika Matokeo ya utafiti huu na uchambuzi yalizaa masomo yafuatayo kwa ajili ya kanisa, hasa katika NPCC. 1. Utafiti huu unaonyesha kuwa ukuzaji wa viongozi vijana ni mchakato jumuishi. Unajumuisha mambo mbali mbali. Kuna haja ya NPCC kuchukua mtazamo huu wa jumla wa ukuzaji wa viongozi vijana. 2. Uongozi asili unaenda sambamba na ukuaji wa kanisa. Hii ilikuwa ni kweli katika PPC hizi, hasa zilizoaanzishwa na wamisonari. Popote NPCC huanzisha makanisa nje ya tamaduni zao, ni 12 Margaret M. Poloma, Charisma and Structure in the Assemblies of God: Revisiting O Dea s Five Dilemmas, Church, Identity, and Change: Theology and Denominational Structures in Unsettled Times, 2005, Margaret Wanjiru Gitau, Focussing Scholarly Discourse on Megachurches: The Evangelical Revitalization Movement Theory in a Case Study of Mavuno Church (Ph.D., Africa International University, 2015). 14 Andrew F. Walls, The Cross-Cultural Process in Christian History : Studies in the Transmission and Appropriation of Faith (Maryknoll, NY: Orbis Books, 2002).

5 lazima kuzingatia ukuzaji wa uongozi asili. Lasivyo, kuna hatari kurudia mazoea ya wamisionari wa Magharibi wa hapo awali, ambapo hawakufaulu ifaavyo katika makanisa yao barani. 3. PPC, kama makanisa pentekoste, hutegemea sana haiba ya waasisi kwenye miundo ya utawala, hasa kwenye jamii stahi zaidi mamlaka. Hii ni kweli katika jamii na tamaduni zinazo patikana barani, kama Kenya. Hii pia inaweza kusababisha matumizi mabaya ya madaraka. Makanisa yaweza kutengeneza miundo ya kutosha kudhibiti na kupunguza tatizo hili. Mojawapo ya miundo hii kwenye PPC ni zoezi la kuthibiti mda wa uongozi wa viongozi waandamizi. Makanisa ya utafiti huu yalibuni na kustawisha zoezi hili kwenye tamaduni zao za uongozi. 4. Ukuzaji wa viongozi vijana huanza mapema. Viongozi waliohudumu mda mrefu zaidi katika PPC wote walianza mafunzo yao kabla au wakati wa shahada ya kwanza. Kuingia kwao katika uongozi wa kanisa ulitokana na kujitolea kwao kama vijana. 5. Ukuzaji wa viongozi vijana unachukua mda mrefu. Viongozi waandamizi walianza wakuwa wanafunzi. Kisha wakapokea mafunzo na tajiriba ya miongo kadhaa ili kufikia uzoefu walioko nao. PPCs zinazotaka kukuza viongozi vijana wa utendaji wa hali ya juu zinapaswa kuchukua mtazamo huu wa mda mrefu. Miundo rasmi pamoja na ile isio rasmi ya makanisa inafaa kuzingatia wakati unaohitajuka kukuza viongozi. 6. Mafunzo ya kiteologia huandamana na tamaduni za uongozi ubadilishi ili kukuza viongozi vijana wenye kufahamu ya mafundisho ya imani, na pia ujuzi wa uongozi. PPC au NPCC ambazo zinataka kuendeleza uongozi bora kwa sasa na hapo baadaye zinapaswa kukuza viongozi wanaoweza kuongoza makanisa kwa wema wa tabia zao, ujuzi wao wa mambo ya imani, na uwezo wao kuongoza jamii. 7. NPCC zinahitaji kuandika historia zao wenyewe, na kujenga nyaraka za hati zao. Hii itawasaidia viongozi wajao kujifunza kutokana na historia. Utunzi wa nyaraka za kihistoria utakuza elimu na maamuzi ya viongozi wa kesho. 8. Utafiti huu uliibua sifa na utendaji wa viongozi waasisi walioanzisha makanisa ya kudumu. Baadhi ya sifa hizo zagusia mwito wa kiongozi, uhusiano wao na wafuasi wao, na kujitolea kwao kuwasilisha maono. Maeneo ya Utafiti zaidi Maeneo mbalimbali yaliojitokeza nje ya utafiti huu ambayo yanahitaji uchunguzi zaidi huhusu makanisa mapya ya kipentekoste mijini ya Afrika. Huu ni muhtasari wa baadhi ya maeneo haya kwa ajili ya utafiti wa baadaye. (A) Mafunzo ya Kiteolojia ni muhimu sana katika ukuzaji wa viongozi wa kanisa. Utafiti wa kina kuhusu masomo ya shule za Kiteolojia, pamoja na masomo ya uongozi katika mitaala yao ni muhimu, lakini hayakuangaziwa kwenye utafiti huu. Elimu ya kidini, mtazamo wake, madhara yake katika viongozi, na maendeleo yake baada ya muda ni maeneo muhimu ya utafiti. 15 Zaidi ya hayo tunahitaji utafiti ili kuelewa michakato rasmi ya ukuzaji wa viongozi kwenye seminari na tarajali za kanisa. Utafiti huo utasaidia watafiti kuelewa manufaa ya taratibu hizi katika muktadha wa makanisa ya kipentekoste barani Afrika. (B) Makanisa mengi yaliyoshamiri Afrika yanadaiwa kutokana na juhudi za makanisa na viongozi wa hapo awali. 16 Athari za uamsho wa Africa Mashariki dhidi ya makanisa rasmi na dhidi ya wakristo wa kipentekoste ni makubwa. Zaidi ya hayo, viongozi wengi wa makanisa ya kipentekoste walipata mafunzo ya uongozi kwenye misisimko ya kikristo ndani ya taasisi za elimu ya elimu ya juu katika miaka ya Uamsho wa Afrika Mashariki uliathiri misisimko hii kwa njia nyingi. Mikutano ya kiinjilisti ya miaka ya 1980 ilileta idadi ya ajabu ya washiriki 15 Mtafiti huyu aliangazia baadhi ya maswali haya kwenye utafiti mmoja uliochapishwa kwenye jarida moja. Kyama Mugambi, Perceptions and Recommendations for Theological Education for Church Planters in Kenya: A Case Study of Mavuno Church, Impact Journal, September Philomena Njeri Mwaura, Practices for Sustaining Revitalization in Local Communities: Perspectives from Africa, in Interpretive Trends in Christian Revitalization for the Early Twenty First Century, ed. J. Steven O Malley (Lexington, KY: Emeth Press, 2011),

6 wakristo katika mikutano kubwa ya kufana iliyodhaminiwa na wamisionari wa nchi za nje. 18 Misimu hii ya kihistoria ilitengeneza mazingira ambapo PPC zilijitokeza. Utafiti wa kina wa mazingira haya unahitajika. Utafiti kama huu utaongeza maarifa kuhusu PPC zilizoangaziwa hapa. Pia utafiti huo utatuelimisha zaidi kuhusu makanisa ya kipentekoste. (C) Utafiti huu ulilenga ukuzaji wa viongozi zamani na sasa. Utafiti wa kihistoria unaolinganisha uongozi katika madhehebu mbalimbali utafunua ufahamu juu ya kufanana na tofauti kati ya PPCs, na makanisa mengine kutoka jamii pana ya NPCC. Utafiti kama huo waweza kupanuliwa ili kujumuisha makanisa rasmi ya kale. (D) Utafiti haukuona theolojia ya uongozi iliyoelezwa kwa ufasaha katika yoyote ya makanisa. Lakini, ukweli ni kwamba ingawa makanisa hayajaandika theolojia ya uongozi haimaanishi theolojia hii haipo. Uchunguzi wa kina zaidi waweza kuibua dhana za theolojia ya uongozi ndani ya mafundisho ya makanisa haya. (E) Utafiti huu ulilenga viongozi wa sasa au viongozi ambao waliostaafu hivi karibuni. Eneo moja ya utafiti itakuwa utafiti wa kina wa viongozi waliostaafu hapo awali au wale waliotamatisha utumishi zamani. (F) Utafiti huu haukufanya utafiti upimaji (quantitative methodology) juu kwenye washiriki wa makanisa haya. Utafiti upimaji wa hapo baadaye kwenye washiriki unaweza kutoa ufahamu muhimu kuhusu tamaduni za uongozi wa PPC kama zinavyo eleweka na washiriki. (G) Mradi huu wa utafiti uliangazia viongozi waandamizi wa kanisa wanaowajibika kwa maisha na sera za kanisa zima. Kuna haja ya kufanya utafiti unaodhamiria kuelewa historia, visa na maana (yani qualitative methodologies) inayoangazia mazingira ya uongozi katika PPC kwa mujibu wa viongozi wa ngazi za chini. (H) Motisha ya viongozi inaashiria jinsi uongozi wao utakavyostawi. Kuna haja ya utafiti unaohitaji mbinu tofauti ili kuchunguza kwa kina motisha za kibinafsi za viongozi. Utafiti kama huu wa baadaye utatoa mtazamo tofauti ambao ni nadra kuhusi wachungaji wa kipentekoste. Uchunguzi kama huu utaweza kueleza jinsi uongozi wa kujitolea kwa washirika unaandamana na uongozi wa watumishi waajiriwa wa kanisa. Hitimisho Kwenye uchambuzi wetu wa utafiti wa PPC tuligundua kwamba makanisa huhakikisha mustakabali wao kwa kukuza tamaduni za uongozi ubadilishi zinazosisimua ukuzaji wa viongozi vijana. Makanisa haya hufanya hivyo kwa kuunganisha uhusiano mwema baina ya vizazi vya viongozi, pia kwa kujenga miundo mwafaka ya uongozi na kwa kuwasilisha maono yenye ushawishi. Matokeo haya yanaashiria baadhi ya njia ambazo NPCC zaweza kuhakikisha mustakabali wao kupitia mipango madhubuti ya kukuza viongozi vijana. Kyama Mugambi Kituo cha Ukristo Dunia Chuo kikuu cha kimataifa cha Afrika 17 J. Kwabena Asamoah-Gyadu, Born of Water and Spirit : Pentecostal/Charismatic Christianity in Africa, in African Christianity: An African Story, ed. Ogbu Kalu (Pretoria: University of Pretoria, 2005), Mwaura, Practices for Sustaining Revitalization in Local Communities: Perspectives from Africa.